اربعین

 

ای زینبی عمرونجه گوز یاشلی قویان قارداش

بو قبره باجون قربان دور یاتما اویان قارداش

شاماتی گزوب گلدیم هر ظلمه دوزوب گلدیم

بیر نازلی قیزون اولدی ویرانه مکان قارداش

 

ای چرخ شهادتده بیر نیّر تابنده

بو  خلقت ارزنده بیر تک سنه زیبنده

درگاهیوه لایقدی اولسون شهدا بنده

تاج شهدا سنسن ای جان جهان قارداش

 

شام اهلی اولوب فارغ تا امر شهادتدن

باشلاندی بیزه محشر هنگامۀ غارتدن

غارت نجه بیر غارت فریاد او جنایتدن

وار ایمدیده جسمیمده آثار و نشان قارداش

 

کین اهلی جفائیله اَل آچدیلا یغمایه

اهل حرم آهو تک یوز قویدولا صحرایه

هر قیز یخلوب دوردی قاچدی بو تمنّایه

بلکه او هلاکتدن تا قورتارا جان قارداش

 

من جهد ایلدیم آرتوق هر زیورین اوستونده

دشمنده تلاش ایتدی زیب و زرین اوستونده

چوخ اولدی کشاکشلر بیر معجرین اوستونده

ال چکدی نه غارتگر نه غارت اولان قارداش

 

بو کشمکشه آخر بیر قمچی اولوب داور

واضح دیمرم قارداش ایش اولدی هارا منجر

بیر ظلم ایلدی امّا بی‌عاطفه غارتگر

وار ایمدیده قولّاردا آثاری عیان قارداش

 

بیر عدّه آزوب یولدان یول گتدیله بیراهه

شرم ایتدیله نه سندن نه باخدیلا اللّهَه

بی واهمه محشردن اود وردیلا خرگاه

اولدی بالا قیزلاردان اود ایچره قالان قارداش

 

سن قانه باتان گونده یازدون منه برنامه

اسلام علمی اَلده گتدیم سفر شامه

شاماتی گزوب گلدیم دوزدوم هامی آلامه

قالمشدی ولی قلبیم سندن نگران قارداش

 

بیر ننگ اولی تاریخه هر چند او جنایتلر

بیر جلوه ویرر دینه سیزلرده کی همّتلر

مشکلدی چخا یاددان بو قانلی شهادتلر

هرگز بو بهار اولماز عالمده خزان قارداش

 

هند اوغلی بیزی گوردی آشفته و پژمرده

قویدی یارالی باشون طشت ایچره برابر ده

کبریله باخوب گولدی گلدی اورگیم درده

اولدی یارالی قلبیم لاله کیمی قان قارداش

 

باخدی او جفا پیشه بزمینده اولان جاهه

سسلندی غروریله حمد ایلورم اللّهَه

سیزلردن آلوب ملکی تاپشوردی شهنشاهه

دنیایه اوزین مالک بولدی او زمان قارداش

 

گوردوم که سکوت ایتماق بو یرده دگل جائز

سسلندیم اوتان بولمه زهرا قیزینی عاجز

قارداشیم اگر فوز ایثاره اولوب فائز

ویرّم من او ایثاری دنیایه نشان قارداش

 

روباه دوشر بنده بند ره شیر اولماز

شیر حقین اولادی روباهه اسیر اولماز

فخر ایلمه اَدنادن اعلایه امیر اولماز

اولدی بو عتابیمدن شرمنده اینان قارداش

 

فکر ایتمه دیدیم ظالم مقصودیوه سن یتدون

آل اللَّهَه دنیانین اقطارینی تنگ ایتدون

بیز دوزدی اسیر اولدوق سن راه خطا گتدون

بولدی بو تجارتدن چوخ یتدی زیان قارداش

 

آیا بو عدالتدی خرگاهیمی یاندیردون

اوز اهلوی نازیله خرگهده دایاندیردون

آل اللَّهی بی ‌پرده هر شهری دولاندیردون

بو منطق او  بی‌رحمه چوخ اولدی گران قارداش

 

بیر عمر غم هجرون اولموشدی منه همدم

افلاکه یانان دلدن نالم اوجالوب هر دم

دوزدوم سنون عشقونده یوز ویردی منه هر غم

بیر غصه ولی مندن سلب ایتدی توان قارداش

 

شهزاده لره منزل چون ویردیله ویرانه

اهل حرمین باغرین دوندردی محن قانه

گل یوزلی قیزون آخر جان ویردی غریبانه

اوج ایتدی اوشاقلاردان افلاکه فغان قارداش

 

کربلا زمزمه سی 3- حاج حیدر خوندل

تاریخ ارسال : جمعه 7 مهر 1396
آخرین بازدید : سه شنبه 4 تیر 1398
تعداد بازدید کننده : 696
دفعات مشاهده : 696
» ارسال نظرات
متن پیام : *
نام :
تصویر امنیتی :
 
 
 

نوحه شهادت حضرت حمزه علیه السلام

نوحه تخریب قبور ائمه بقیع

ناد علیا مظهر العجائب / آلبوم امیر عشق

نوحه شهادت حضرت علی علیه السلام

قال الهادی علیه السلام

وقتی یکی از اهالی ری خدمت امام هادی علیه السلام مشرّف شد، حضرت پرسید: کجا بودی؟ (آن مرد گوید:) گفتم: به زیارت حسین علیه السلام رفته بودم. حضرت فرمود: بدان که اگر قبر عبدالعظیم را در شهر خودتان زیارت کنی، همچون کسی هستی که حسین‌بن‌علی علیه السلام را زیارت کرده باشد.

(میزان‌الحکمة: 2860)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک