دفن شهدا

 

حق ایستدی بیر نوعیله دفع محن ایتسون

امر ایلـدی سجّــاده حسینه کفن ایتسون

 

آرامنی سجّادون آلوب حکم الهی

یتدی فلک اعظمه فریادیله آهی

یاندیردی حسینون یارالی باشی او شاهی

ایستردی گتورسون اونی الحاق تن ایتسون

 

الهامله سجّاده یتشدی بو کنایه

قویدی اسرانی ولی تاپشوردی خدایه

بیر طرفه‌العین ایچره گلوب کرب و بلایه

تا سیر گل و سنبل و سرو چمن ایتسون

 

بیر باخماقیله عالم اسرار غیوبات

بیلدی او مجاهدلر ایدوب یاخشی مواساه

جاناندان آلوب نعمت وصلیله مجازات

ممکن دگی بیر جمعه بیله انجمن ایتسون

 

گوردی که عجب طور دی افلاکه چخار نور

رَبّی اَرِنی سویلدی اول خسته و رنجور

گوستردی حسینین بدنین ایتمدی مستور

چون ایستمدی حق که مخاطب به لَن ایتسون

 

همناله اولوب اهل قبیله او دلیله

بیر قبر قازوب تاج سر آل خلیله

گلمیشدی آتاسین قویا قبره اوز الیله

ایلردی تفکّر کفن آیا ندن ایتسون

 

اول جمع که محکومیدیلر حکم اسیره

بیر اوزگه کفن تاپمادیلار باشسیز امیره

آخر باباسین چولقادی بیر پاره حصیره

زهرا یری وار جنّتی بیت‌الحزن ایتسون

 

قویدی اوزی قبره ولی قبر اوستین او ساعت

یازدی بو حسیندور باباسی ختم رسالت

محبوب علیدور اوزی مقتول محبّت

بو شرعده کیمدور بیله دفع فتن ایتسون

 

پیغمبرون اوغلی دِیمم آسوده ویریب جان

ئولدوردی رعایاسی اونی جایع و عطشان

قالدی یارالی اوچ گونه دین پیکری عریان

تا شرعی ملبّس به لباس حسن ایتسون

 

اللـه قانیدور ناحق آخان قانی بو چولده

خوشنود ایلیوب حضرت سبحانی بو چولده

اِنّی دِیَتُه دولدوروب هر یانی بو چولده

بو قانی طلب وعده ویروب ذوالمنن ایتسون

 

قارداشینا باخجاق دوتوب اود نالیه گلدی

گوردی ایاقی آتدا قویولماقی گوزلدی

بیر اکبریله مرقد شش گوشه دوزلدی

تا حشره کیمی آه و فغان هر گورن ایتسون

 

مدفون ایلدی اصغریده گوز قباقندا

اولسون آتاسی حشره گلنده قوجاقندا

وار ایمدیده آثار عطش گل دوداقندا

آند اولسون او سجّاده که گلدی کفن ایتسون

 

دقّتله باخاردی قالان ابدان شریفه

از بس یارا دگمشدی او اجسام لطیفه

شیرازه‌دن اولموشدیلا مانند صحیفه

تا این که ثبوت حقّی فاش و علن ایتسون

 

مستغنی گوروندی هامی اقسام حُلَلدَن

اولموشدیلا باش ویرماقیله دلخوش ازلدن

کچمشدیله بعضی همی باشدان همی الدن

اونلار کیمی کیمدور ایله ترک وطن ایتسون

 

مین حسرتیله پاره بدن قاسمه باخدی

باخدوقجا جگر یاندی گوگل آتشه یاخدی

قانیله یاخوب گوردی حنا گوز یاشی آخدی

بو حاله گرک ناله امام حسن ایتسون

 

دفن ایتدی حسینون قوجا- اصحابی حبیبی

شه درگهنه ایلدی دربان او غریبی

باخ شانه که بیمار آدی مین درد طبیبی

ایستر که اوزین زایر بیر ممتحن ایتسون

 

بولموشدی چون اول واقف اسرار حسینی

معدوم گرک اولمیا آثار حسینی

بیر قبر ده قویدی هامی انصار حسینی

بولسونله نه حکم ایسته‌سه شاه زمن ایتسون

 

عرض ایتدیله سجّاده او بیر دسته وفادار

چوخ غصّه‌لی سن یوخسا گنه یرده قالان وار

فریاده گلوب سویلدی بیر قالدی علمدار

حیران منی آز قالدی او قولسوز بدن ایتسون

 

ای اهل قبیله داخی دورمون گلون آخر

انجیر عموم عبّاس دیمم دنجلون آخر

بولمم ندی اجری او کسیلمش الین آخر

محشر ده اگر ایسته‌سه اخذ ثمن ایتسون

 

سقّا بدنین اولدیلا جویا هامی با هم

بیر یرده یتوب تاپدیلا شمشاد قدین خم

کیمدور دیدی سن تک شهدادن اولا یا عم

اوز تپراقنی قانی عقیق یمن ایتسون

 

عبّاس نه عبّاس دوشوب سرو سمن تک

اوخدان بدنی گللّر آچوب صحن چمن تک

سسلندی امام اول قد موزونی گورن تک

انصاف اوزی اوز ظلمنه چرخ کهن ایتسون

 

قبری یارالی نعشی دوشن یرده قازیلدی

دفن اولدی عموسی اوزی قبر اوسته یازیلدی

آز قالدی اولا مین اوچوز ایل سانما آز ایلدی

هر یرده گرک ناله اونا مرد و زن ایتسون

 

 نه سرّیدی بولمم بو که فاش اولدی امامه

گلدی شهدا نعشیلری اوسته سلامه

بیر ال که او گون خیری یتوب حُرّه غلامه

شمره نه روادور اونی بند رسن ایتسون

 

«صافی» سنی ارشاد ایلیوب مرشد کامل

واضحدی که تأیید حسینی دگو باطل

هر شاعره دل صاحبی بیر نوع ویروب دل

ممکن دگو هر کس بیله نظم سخن ایتسون

 

کربلا زمزمه سی 3- کریم آقاصافی

تاریخ ارسال : جمعه 7 مهر 1396
آخرین بازدید : دوشنبه 1 مهر 1398
تعداد بازدید کننده : 750
دفعات مشاهده : 751
» ارسال نظرات
متن پیام : *
نام :
تصویر امنیتی :
 
 
 

نوحه خبر داغ با صدای شهروز حبیبی

محمود کریمی/ شعری برگرفته از یک ماه خون گرفته 13

محمود کریمی/نوحه‌ای برگرفته از یک ماه خون گرفته 12

شام غریبان.بیت رهبری/ محمود کریمی. شعر: استاد سازگار

قال زین العابدین علیه السلام

هر مؤمنی که چشمانش برای کشته شدن حسین (ع) گریان شود به طوری که اشک بر گونه‌هایش سرازیر گردد، خداوند به سبب آن، او را در غرفه‌های بهشتی جای دهد که روزگاران درازی را در آنها به سر برد.

 (میزان‌الحکمة: 4265) 

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک