کیفیت عشق (در مورد دلایل یک شب مهلت ظاهری)

 

ظـاهراً اشـراردن آلـدیم اگــر مهـلت باجی

باطناً وئردیم بو قومه بیر گئجه فرصت باجی

 

عالم قالوا بلاده منشی لوح قضا

یوم عاشوری منه ثبت ائتدی روز ابتلا

سویلدیم هر بیر بلایه شوق و شوریله بلا

نقض میثاق ائتمرم آلدیم اودور مهلت باجی

 

سوز وئریب سوز آلموشام جانانیله روز الست

خلف وعده ایلمز عهدینده هرگز حق‌پرست

بادۀ وحدتدن اولموش بو دل شوریده مست

حشره تک باشیمدا وار بو باده‌دن حالت باجی

 

حق یولوندا قانه باتماق سرنوشتیم دور منیم

باش و جان ترک ایلماق سرّ سرشتیم دور منیم

بو چولون توپراقی دیبای بهشتیم دور منیم

بستر و بالین نازیم قان آرا تربت باجی

 

زخم شمشیر جفانی باشیمه تاج ایلرم

رفرف نوک جداده عرشه معراج ایلرم

شور عشقه ساکنان عرشی محتاج ایلرم

عالم ارواح ائدر معراجیمه حسرت باجی

 

بیر گئجه مهلتده‌ وار دور بیر نئچه راز نهان

صبح آچیلجاق بیر به بیر سرّیم اولارگون تک عیان

دوشمه تشویشه صبور اول استقامت قیل دایان

گوستریم اسراردن تا بیر نئچه آیت باجی

 

اوز سپاهیمدان گوتوررم بو گئجه من بیعتی

تا گئدن گئدسین بیلونسون عشقیمین کیفیتی

باشه وئرم عدّه معدودیله بو نهضتی

کثرت وحدتده چون تکمیل اولار نهضت باجی

 

بو فراغت بیرده مشگل امردور دوشسون اله

یار و انصاریم ییغشسون جمله‌سی بیر محفله

بو گئجه صبر ایلرم تا گلمین لرده گله

چون مقدّردی گرک فوت اولماسون فرصت باجی

 

صرصر بیداده اگمز قامت شمشاد مرد

هرگز اولماز بندۀ نفس دنی آزاد مرد

فرقۀ کفر ایچره وار بیر نئچّه فرد راد مرد

لشگر اسلامه ایللّر سحر رجعت باجی

 

واردی حرّ بن ریاحی تک دلیر نامور

چون اصالتلی عربدور عاقبت بو خوش سیر

ذلتی هرگز قبول ائتمز تاپار عزت گلر

توپراقا قاندان یازار معنای حرّیت باجی

 

بو گئجه قوم ظلمدن آلمییم ملهت نئجه

واقفم اصحابدن بیر نئچه کس قالموش گئجه

گلمیوبدور یولدادی چون مسلم بن عوسجه

گوزلرم گلسون گرک اول مرد با همت باجی

 

بو بلا میدانینه عزم ایلیوب گلسون حبیب

تا شهادت شربتی اولسون او سرداره نصیب

آگهم اول باوفادن ایلمز هرگز شکیب

یازموشام نامه، گلوب ائتسون منه نصرت باجی

 

واردی شوریده باشیمدا اوزگه سودا و خیال

بیر گئجه دشمندن آلدیم بو خیالیله مجال

خواب غفلتدن اویانسون بلکه بو قوم ضلال

بیلموشم واجب گرک اتمام اولا حجت باجی

 

آخرین ساعات عمریم دور قالیر عمریمدن آز

لحظه به لحظه یاخینلیر وصل یار دلنواز

بو گئجه دم چوخ غنیمتدور ائدم راز و نیاز

یار ایله آسوده خاطر بیر نئچه ساعت باجی

 

فرقت وصل حبیب ایلوبدی سلب آرامیمی

شوق دیداری سالوبدور لرزیه اندامیمی

تلخ‌کام ایلوبدی باللـه درد هجران کامیمی

اود سالوبدور جانیمه سوز غم فرقت باجی

 

سرّ عشقیم عالمه بیر سرّ مبهم دور بوگون

کیمسه بیلمز عالمیم بیر اوزگه عالمدور بوگون

اصغرین آلتی آیلیقندان بیر گئجه کم ‌دور بوگون

ذبح آدابینده وار دور چون بو کیفیت باجی

 

عاشق صادق گرک دور یاتمیه «شب‌خیز» اولا

ساغر قلبی شراب عشقیدن لبریز اولا

بادۀ گلرنگ وحدت تک نشاط‌انگیز اولا

ایلیه تا جامیده دلدارینی رؤیت باجی

 

کربلا زمزمه سی 3- حاج عباس شبخیز

تاریخ ارسال : جمعه 7 مهر 1396
آخرین بازدید : چهار شنبه 29 خرداد 1398
تعداد بازدید کننده : 702
دفعات مشاهده : 703
» ارسال نظرات
متن پیام : *
نام :
تصویر امنیتی :
 
 
 

نوحه شهادت حضرت حمزه علیه السلام

نوحه تخریب قبور ائمه بقیع

ناد علیا مظهر العجائب / آلبوم امیر عشق

نوحه شهادت حضرت علی علیه السلام

قال الهادی علیه السلام

وقتی یکی از اهالی ری خدمت امام هادی علیه السلام مشرّف شد، حضرت پرسید: کجا بودی؟ (آن مرد گوید:) گفتم: به زیارت حسین علیه السلام رفته بودم. حضرت فرمود: بدان که اگر قبر عبدالعظیم را در شهر خودتان زیارت کنی، همچون کسی هستی که حسین‌بن‌علی علیه السلام را زیارت کرده باشد.

(میزان‌الحکمة: 2860)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک