دمع الحزن لحسین مکتوب اعله خدی
و های العلامه من یهل محفوظه عندی
****
فات الزمـان و ماخـذانی اعلیک مرّه
و کلیوم اگولن باچرو تاخـذنی حسره
اقسـم علیک انـا ابضلـع امک الزهره
تطلبنی ازورک حته انوح احزانی واحدی
****
خل گلبی اشدنّه ابضریحک یا سعاده
واطلب ابحگ دمک من الله الشهاده
ابحبک یلومـونی و انـادیهم عبـاده
ایشرفلی من اگعد ابباب احسین اجدّی
****
ایشرفلی لو سمونی لاجل احسین خادم
و کل حین انول ابخدمته والباری عالِم
عالم احسین اعذب لی من کل العوالم
ویالیت افـوز ابخدمته وابروحی افدی
****
فصّلت حزنک یاحسین ابهدمی لاسود
وخلیت إسمک عد نبض گلبی ایتردد
ما انسـه عاشـورک یریحانَـة محمّـد
وذکـرک عبادة آخره یحسین عندی
دموع و دماء 3