مسموم یالمجتبی علیه السلام

     مسموم    مسموم    یبن الزهره      مسموم
  مظلوم     مظلوم     یبن الزهره      مظلوم 

****  

اجه التکبیر من ارض المدینه     امن املاک الحزینه

ابحزنه للبقیع احنه  مشینه     نعش  غالی  بدینه

اجینه انعزی الزهره الحزینه     گبرهه انصیح وینه

یشیعونه     بدرهه    بدرهه    بدرهه

    ددلـونـه     گبرهه    گبرهه    گبرهه     

****

شعاع الحسن للتدفین غرب      وسف جسمه ایتغیب

و سجیر النوح بدلال یلهب      امام و فگده یصعب

مثل ما ناحت اعله افراگه زینب    جمیع الشیعه تنحب

ابکتـر زهـره      نشوفه    نشوفه    نشوفه

ابدمع حسره      نطوفه    نطوفه    نطوفه

****

عگب فگد الزچیه بت محمد   و عگب کرار الامجد

کریم آل النبی ابلحده تمدد   و صبرنه حیله منهد

الحزن مهما نحله اردود ینشد   ابصدرنه عدنه اله معبد

الحزن والله       ولانـه   ولانـه    ولانـه

الـدمع هله        عمانه    عمانه    عمانه

****

الحسن ظلموه مثل الوالی حیدر    جمر حزنه ایتوجر

ابغدر سموه اهل الفتنه والشر    و گلب زینب تفطر

اجت ام الحزن بدموع تسعر     وتصیح الله و اکبر

حزن مملی      صدرها   صدرها    صدرها

اشکثر گلی      صبرها   صبرها    صبرها

****

اسهام احقادهم بالنعش تنصاب    وظل احسین محتار

شمس الضحی الیوم ایودع الاحباب   وابگلب الاخت نار

وابوالنوماس گلبه بالصدر ذاب    شـاف النعش سار

یوصل فاطمه ایواسیها بالباب      یوصل حضن الاقدار

الحسن یمشی     الزهرته      زهرته      زهرته

نعش یحچی       غربتـه     غربتـه      غربته

دموع و دماء 3