موسسه هنر و ادبیات هلال

زبانحال حضرت زینب سلام الله علیها در اربعین

 

شامده دوزوب دایاندیم ظلم مشرکینه قارداش

قانلـو کوینگـون الیمده گلدیم اربعینه قارداش

****

کوینگـون منه اولوبـدور مایـۀ نـوا و شیون

عطروی بیر عمر آلام پاره پاره کوینگوندن

دلدن اودلانوب حسینیم شیونیله اوخشارام من

همدم آه و ناله دور بوزار و دلغمینه قارداش

****

زینبـه قالوبـدی سنـدن قانلـو پیرهن نشانه

باغریمـا باسـوب همیشـه گلـم آه و الأمـانه

کوینگون اورک باشندان قویمارام بیر اوزگه یانه

ورداولوبدی قارداشیم وای زینب حزینه قارداش

****

قوم کین گیدنده فرصت ویرمدی بو باغری قانه

باشـون اوستـه ایلییـدیم بیـر نـوای عاشقانه

آغلیانـدا ظلـم الیلـه شمــر ووردی تــازیانه

حسرتیم اورکده قالدی یاندی اودلی سینه قارداش

****

خودسری بیر اربعینی ترک قیلمادیم سنی من

سرّی‌وار بیر ایل یوباندیم مندن ایلمه گله ‌سن

گلماقا بو قبره فرصت ویرمدی بیر ایلده دشمن

فرصت اولدی ایمدی گلدیم کربلا یرینه قارداش

****

ایمدی یوخدی قوم کینه الده یاخشی فرصتیم وار

عرض ایـدم سنه بـرادر دلده هر شکایتیم وار

سن اوزون حسین بولورسن درد بی‌نهایتیم وار

دوزمـوشم بیـر ایلـده ظلم اشقیا دنیه قارداش

****

ایمدی کاش اولیدی قارداش قبروین کناری خلوت

قـولاریمـی گوستـریدیـم ای شهنشـه ولایت

نقـدر دگـوب گوریـدون منـه قمچـی عداوت

قولاریم اولوبدی نیلی ای شه مدینه قارداش

****

تا شهـادت امـری یتـدی بو دیـارده تمامه

اولـدی دستگیـر عیالـون اشقیای بد مرامه

چکدی قوم کینه عریان ناقه اوسته سوی شامه

یولدا گه دوشوب رقیه گه قزون سکینه قارداش

****

باخمادی اولوبدی زینب درد النده خسته خولی

تازه‌دن بـو دل‌غمینـی ایتدی دلشکسته خولی

ظلمیله آپاردی قویدی باشوی کل اوسته خولی

پرده پرده کول اوتوردی گل کیمی جبینه قارداش

****

نیزه‌ده اوخور نه گوردوم باشون ای یارالی قرآن

ابـروش مـه جمالـون دوتموشیـدی خون الوان

باشمی اودمده ووردوم چوب محمله حسین جان

پارچالاندی باشیم اولدوم سنله هم قرینه قارداش

****

آل عصمتی حسینیم گتدی ظلم کوفه تنگه

کربلایـه گلمین‌لر گلدی کوفه ایچره جنگه

بنزدوردیلــر اسیــر روم و دیلــم و فـرنگه

چوخ شماتت اولدی اوردا اهلبیت دینه قارداش

****

هر یره گیدوبدی باشون گون کیمی سر جداده

سایه تک اونون دالنجا دوشموشم من فتاده

گیتمیشم باشمـدا نچه قاره گونلی هر بلاده 

دوزموشـم جفـا و ظلـم فرقـۀ لعینـه قارداش

****

داد او وقتـدن حسینیـم اهلبیـت زار و خسته

وارد اولدی شامه عریان ناقه اوسته دست بسته

بعضی‌نین قوجاقدا طفلی ینگی یوزده دلشکسته

دمبدم آخاردی اشگی گل‌تک عارضینه قارداش

****

شامـده عزیـز عیالـون بر خرابه یرده قالدی

آغلادی خانم بالالار شورشین گویه اوجالدی

بسکه قالدی آج رقیه گل کیمی سولوب سارالدی

گوزلریندن اشگ حسرت آخدی دامنینه قارداش

****

قوردی بزم غم بالالار گوزده اشگ دلده شیون

آه دلنشین چکـردی بعضی سی یانقلی دلدن

بعضی سی دیردی عمه دور علاج ایله آجام من

خون دل تو کردی گوزدن اشگ‌تر یرینه قارداش

****

یتـدی عـاقبت تمامـه ظلم آل بـو امیه

قوتولوب گلوب سلامت اهلبیت هاشمیه

گلمـدی بـو اربعینـه حیف نـازنین رقیه

ایتدی غربت اختیار اول ناتوان حزینه قارداش

****

سن رقیـه قالماقنـدان منـدن ایلمه گلایه

نیلیـوم اسیریـدیم من امر و گردش قضایه

چوخ سویردیم اول بلاکش قز گلیدی کربلایه

عندلیب اولیدی بو غم غصه گلشنینه قارداش

****

دور گیداخ دیدیم منیله ای بلالی گل عذاریم

سویلدی ایاقلاریمدا وار دور عمه جان غباریم

چوخ دوگوبله یورقونام من گتماقا یوخ اختیاریم

غربت اولدی خوابگاه اول طفل نازنینه قارداش

****

ذکر وا وطن دلنده دوشدی دلدن اول وطنسیز

گوزلری باخوب یولا جان ویردی حسرتیله سنسیز

تاپمادیم کفن او طفله قالدی سن کیمی کفنسیز

کوینگیله اولدی مدفون آخر اول دفینه قارداش

****

چوخ سویر قویا بو «تائب» اول مزاره روی زردی

اشگیله یوووب او قبری پاک ایده غبار و گردی

زینبین دلنجـه بـرده ذکر ایده بو غم لی فردی

قانلو کوینگون الیمده گلدیم اربعینه قارداش 

 

آندیچمرم اوجانه- تائب تبریزی

تاریخ ارسال : یکشنبه 23 مهر 1396
آخرین بازدید : شنبه 30 تیر 1397
تعداد بازدید کننده : 375
دفعات مشاهده : 375
» ارسال نظرات
متن پیام : *
نام :
تصویر امنیتی :
 
 
 

معرفی کتاب یک ماه خون گرفته یازده / اثر جدید استاد غلامرضا سازگار

قال رسول الله صلی الله علیه وآله

گناه‌کارترین فرد در عرفات کسی است که از آن جا بازگردد در حالی که گمان می‌برد آمرزیده نخواهد شد.

(بحارالانوار:جلد 99،صفحه 248)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک