موسسه هنر و ادبیات هلال

تنور خولی، زبانحال حضرت زهرا سلام الله علیها

 

آچ گوزون ای نخل دینه سو ویرن قانی اوغول

کوللر اوستونده یاتـوب یاندیرما زهرانی اوغول

****

کربلانی سیر ایـدوب نی‌تک نـوایه گلمیشم

دوشمیشم باشون دالینجا مثل سایه گلمیشم

باشیـوه باش چکماقا مطبخ سرایـه گلمیشم

باشیـوین زهـرا اولا ایکاش قربـانی اوغول

****

بو باشا حسرت چکر بالین اولا گیسوی حور

کیم گوروب مشکوة نـوره یر اولا کنج تنور

رشک آپارسا بو یره واردور یـری وادی طور

طور سینانی بو نور ایتمیشدی نورانی اوغول

****

کیم سنون تک باش ره جاناندا شاباش ایلدی

موسی عمـران یـد بیضـا سنی فاش ایلدی

طور سینادن باشون بو مطبخی باش ایلدی

بو باشین نوری قویوب حیرتده موسانی اوغول

****

قویما یانسـون آتش حسرتـده دل نار غمه

ناز ایدوب گوزیاشیمی نازونله دوندرمه یَمه

یاتما بیلـه کوللـر اوسته گل یارالی سینمه

شاد قیل لطفونله بو محزون نالانی اوغول

****

نه روا یاتسون کـول اوستـه مطلع انوار حق

منـزل ایتسـون مطبخـی گنجینۀ اسرار حق

بولموری خولی مگر سنسن ایدن اظهار حق

یا ایشتمـوب قصّه جانسـوز یحیانی اوغول

****

چوخ محقّردور یرون ای کوکب صبح ازل

آیــۀ الله نــور سنسن عـالمــده مثــل

آتش ظلمی ایدوب حقّونده خولی مشتعل

یاندیروب بو نار غمله قلب طاهانی اوغول

****

چوللـره سالـدون غمونده بو محن آواره‌سین

غملرون یاندوردی زهرانون دل صدپاره‌سین

قارداشون جدّون آنان اوپدی بوغازون یاره‌سین

لرزیـه نالم گتـوردی عرش اعلانی اوغول

****

نعشون اوسته باش آچوب ای وای اوغولوای چوخ دیدیم

اوپماقـا بیــر عضــو سالـم پیکرونـده یوخ دیدیم

قلبوین پیکان یرین اوپدوقجـه یانـدیم اوخ دیدیم

چرخ چارمده گتوردیم درده عیسانی اوغول

****

وار یــری آهیـم شــرر بوکـون امکانـه سـالا

چون قولوم قاخماز منیم دشمن ووران گوندن بالا

یوخسا قویمازدیم یوزی قویلی سنون نعشون قالا

دوندرردیم آرخان اوسته من اوغول جانی اوغول

****

گلستان عشقده سولمیشدی گوردوم گُل‌لرون

نطقـدن دوشمیشـدی جـور خاردن بلبل‌‌لرون

اودلانـوب قلبیم گورنـده یـوخ بیلکده اللرون

کسدی هانسی اهرمن دست سلیمانی اوغول

****

بـوردا آلدی صبریمـی دلدن بو رأس انورون

اوردا یاندیردی یانان قلبیمی باشسیز پیکرون

بارماقون بجدل کسوب غارت ایدوب انگشترون

حشره‌دین آغلار قویوب بو دیده گریانی اوغول

****

قتلگـاه کربــلا بنــزر پوزولمــوش گـلشنه

ئولـدی یار و یاورون ال تاپدی اهریمن سنه

دورت‌مین اوخلی کوینگون‌ده غارت اولدی دشمنه

قویدی عور اعدا او جسم قانه غلطانی اوغول

****

آل سفیانین اوغـول ظلمـی کچـوب اندازه‌دن

لاله‌تک بـو داغلـی قلبیم داغلانوبدور تازه‌دن

پیکرون قرآن کیمی گوردوم چیخوب شیرازه‌دن

گوییـا اوراق ایدوبلـر یـرده قرآنـی اوغول

****

بو «شعاع» بحر گُنهده غرقدور حیران قالوب

چاره‌دن آخر اولوب بی‌چاره غم صبرین آلوب

چون سیه‌رو کلب اوزونی بو نمک‌‌زاره سالوب

ایسته حق بوینوندان آچسون قید عصیانی اوغول 

 

آندیچمرم اوجانه- شعاع

تاریخ ارسال : یکشنبه 23 مهر 1396
آخرین بازدید : سه شنبه 27 شهریور 1397
تعداد بازدید کننده : 406
دفعات مشاهده : 409
» ارسال نظرات
متن پیام : *
نام :
تصویر امنیتی :
 
 
 

"امیری حسین و نعم الامیر"با نوای حاج محمود کریمی

قال رسول الله صلی الله علیه وآله

گناه‌کارترین فرد در عرفات کسی است که از آن جا بازگردد در حالی که گمان می‌برد آمرزیده نخواهد شد.

(بحارالانوار:جلد 99،صفحه 248)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک