موسسه هنر و ادبیات هلال

زبانحال زینب کبری سلام الله علیها در قتلگاه

 

ای آخان حق اوسته ناحق سو کیمی قانی حسین

زینبه سس وئـر سنـی زهـرا آنام جانی حسین

****

ای قزل گل تک اولان خندان یارالی پیکری

گر بـو بختـی قاره‌نین سنسن عزیزی مادری

قویما قانیاش بیر بئله توکسون عذاره گوزلری

نطقه گل تا آخماسون گوزدن جگر قانی حسین

****

یـوزده زلفیـم اللریم باشدا توکر قانیـاش گوزوم

دیزلریـم تتـرر دونوبـدور تیـره شامـه گوندوزوم

قویما گوز یاشیم کیمی دوشسون یره قارداش سؤزوم

قیل توجه نطقه گل دیندیر بو نالانی حسین

****

راضی اولمازدون آنام اوغلی باجون محزون اولا

نه روادور ایمدی قلبی غنچه تک پرخون اولا

اولما راضی بوندان آرتوخ محنتی افزون اولا

آز دولاندور چوللری بو خانه ویرانی حسین

****

ای دوشن ایستی قوم اوسته پیکر صدپاره‌سی

زینبون بیچـاره‌دور ای چاره‌سیزلر چاره‌سی

ای پناهیم نیلسـون بس بو وطن آواره‌سی

کیمسه یوخ دردین دئسون یوخ درده درمانی حسین

****

ای تــراب اوستـه یاتـان آرام جــان بوتراب

اوز یاراسندان آخان قانه غسلی کافوری تراب

دستگیر اولسا باجی قارداش مگر وئرمز جواب

یوخسا بیر اولماز باجیله قارداشین قانی حسین

****

دخـت زهرایـم اسـارت قیدینـه پـابسته‌یم

اوغلی قارداشی ئولن بیر دستیه سردسته‌یم

آند اولا اوز جانـوه جانیم عزیزی خسته‌یم

آز قالور پاشیده اولسون جسمیم ارکانی حسین

****

بو گئچن گون سنده خستیدون ایا شاه زمن

بو گئجه اما یاتوبسان مختصر دینجلمیسن

بیر نفر بیلمور ولی نه چکمشم بو چولده من

قویمیوبدور من یاتام لیلانون افغانی حسین

****

من دئمم سن سبط طاهاسن شه عالی‌نسب

بیر مسلمانسـان اقـلاً بیر نفر عادی عرب

وار بو کافرلر ائدن ظلمه نه علت نه سبب

کیم گوروب بو حاله سالسونلار مسلمانی حسین

****

حشمت و جاهون تالاندی ای سلیمان زمن

تاپـدی بو چولـده سنه ال بی‌مروت اهرمن

بیر عقیق انگشتر اوسته خورده بارماقون کسن

عالم معناده آغلاتدی سلیمانی حسین

****

ای وئـرن گلـزار دینه سو کیمی قانی صفا

جسموه گرچه وروبلار کوفیان دورت مین یارا

لیک بو قلبونـده‌کی اوچ شعبه‌لـی تیـر جفا

زخمدار ایلوب مسلّم قلب زهرانی حسین

****

اوز مقدس مقصد و مقصودوه سن چاتموسان

زینبـون امـا نـه علت وار گوزوندن آتموسان

خسته‌سن آلات حرب آلتندا راحت یاتموسان

مصرعون بو زینب مظلومه قربانی حسین

****

ظلمیله ظلم اهلی قارداش جای نقصان قویمیوب

هئـچ قتیلـی قاتلـی بو نوع عریان قویمیوب

پیکرونده کهنه بیر کوینکده دونان قویمیوب

نـه مروتسیـزدیلــر اتبـاع سفیــانی حسین

****

پیکرون خندان اولوب تورپاقلار اوسته گل کیمی

اوخ دوزولموش سینون اوسته خرمن سنبل کیمی

زینبـون شـوره گلوب شوریده‌سر بلبل کیمی

من کیمی وار هانسی گلزارین نواخوانی حسین

****

وار یادونــدا ای عزیــز حضـرت ختمــی‌مآب

شهر یثربده باجون ائتمشدی بیرگون ناز خواب

مختصر دوشمشدی قارداش زینب اوسته آفتاب

ائتمه‌میشدی تاب قلبون ای کرم کانی حسین

****

اوز عباوی سایبان ائتمشدون ای کان وفا

دوشمسون گون زینبه ای خامس آل عبا

وقت جبـران آختاروردی خدمته بو بی‌نوا

ایندی امّا منفعلدور یوخدور امکانی حسین

****

نعشوی عریان قویانلار سویدیلار من مضطری

نه عبـا قـالمش باشنـدا زینبـون نه معجری

گون قباقندا گورور عریان بو باشسیز پیکری

گوزیاشی ایلور خجـالت بحـر عمانی حسین

****

منفعلدور سندن ای جسم ایچره جانی زینبون

یـوخ النــده نعشـوه بیـر سایبـانی زینبون

تک بو قانلو ساچلارا واردور گمانی زینبون

ایستی گونده حفظ ائده بو نعش عریانی حسین

****

«صابرین» وار آرزوسی ای شـه دنیا و دین

جان کیمی آغوشه آلسون قبروی بیر اربعین

بیـرده حقـدن ایسته توفیق و سعادتله قرین

درک ائـده کـوه منـاده عیـد اضحانی حسین

 

آندیچمرم اوجانه- صابر

تاریخ ارسال : یکشنبه 23 مهر 1396
آخرین بازدید : شنبه 1 اردیبهشت 1397
تعداد بازدید کننده : 206
دفعات مشاهده : 211
» ارسال نظرات
متن پیام : *
نام :
تصویر امنیتی :
 
 
 

معرفی کتاب یک ماه خون گرفته یازده / اثر جدید استاد غلامرضا سازگار

قال رسول الله صلی الله علیه وآله

گناه‌کارترین فرد در عرفات کسی است که از آن جا بازگردد در حالی که گمان می‌برد آمرزیده نخواهد شد.

(بحارالانوار:جلد 99،صفحه 248)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک