قدمت رمله لحسین بدرها الهاشمی
اتهلهل الشبل الحسن
امحـزّم و درعه الچفن
آیجسام الشباب آیجسام الشباب
****
نــاده لبیـک یعمــی اجیـت ابخـدمتک
آنــه حاضــر یعمـی و احوم النصرتک
خلنی اطب سوح الحرب
یبـن کشـاف الکرب
هـو بـس رد الجواب آیجسـام الشبـاب
****
الموت ویاک یگله الی احله امن العسل
خل اگومن و جاهد یبــن خیــرالعمل
عمی هاذی طلبتی
راید افدی مهجتی
گال ما هاب الضراب آیجسام الشباب
****
بالهلاهــل یـه رملـه تلگی اخیالته
و کحّلی اعیونه للموت ولزمـی رایته
لا تلــوعیـن ابـوجــل
الموت اله احلی امن العسل
مایهم بیه الصواب آیجسام الشباب
****
نوره یجدح عله الگوم دضمّـی بالچفن
لا تخلینــه بالگـــاع یظل بیرق حسن
مـن زلوفه شمّری
و بالمحامل وزّری
و لبّسی احسن ثیاب آیجسام الشباب
****
ماخذ اویاک الگلیب ییمّــه یالــولـد
اشلون یمّه اودعک والی ترجع بعد؟
انته صوری و دنیتی
و ترکتنی ابوحدتی
شد دلیلی اویا الرچاب آیجسام الشباب
****
بالهلاهل یعریس تـدور ابهالفله
وانته آخر ضحیه التریدک کربله
و های احسن خاتمه
الک تحضر فاطمه
اتنادی یارب الکتاب آیجسام الشباب
****
یا شباب التلطمـون اذکرو امصیبتی
عندی واحد مثلکم ترکتـه ابجیتی
ابخدّه چانت شامته
اتحنّه من دم رگبته
ابجسم مرمی اعله التراب آیجسام الشباب
دموع و دماء 2
