| رقیّه نازلی صورتون قویما دیواره |
| بـو کربـلا یوللارینـا باخمـــا آواره |
| رقیّــه آغلامـــا سینه‌می داغلاما |
| سفـرده دور بـابـان گلـر ای مــه انــور |
| بوگــون سحــر حسینـدن بر خبر گلـر |
| گلــر سنـی آپارماقــا شـاه بی لشگر |
| ئورکدن آه چکمه چوخ باخما یوللاره |
| عذاره بیـر بله قزیم توکمـه گوزیاشون |
| منیم کیمی بلالره توش اولوب باشون |
| بو شامون اهلی بلیمسون یوخدی قارداشون |
| ورولا طعنه یوخسا چوخ سن دل افکاره |
| خرابه دن کنـاره چوخ گتمه مه پـاره |
| بو شـام قـزلاری ورور قلبیــوه یــاره |
| چتیندی آیریلق ندیم منده یوخ چاره |
| کـه یوخـدی چـاره دهریده فرقت یاره |
| رقیّـه سویگلـوم گولوم گول گُلـه گوللر |
| سنی قفسده گورجاقین یاندی بلبل لر |
| منی کباب ایدر قزیم بـو شیرین دل لر |
| دوز اینـدی دوشمـوسن بلـه دام اغیـاره |
| خرابـه تپراقـی اولـوب زینبـه سنگــر |
| یزیـدی تختـدن سـالار قـاره معجرلر |
| سفیـر خردسـال سن عابدیم رهبـر |
| جهانـی تنـگ ایـدر سنـون آهون اشراره |
| بابـان گیـدوب سنـه آلا تـازه گوشواره |
| او گوشــوار عشقـدور چاتمـاز اغیـاره |
| بو قدر گوزیاشون قزیم توکمه رخساره |
| بـو تیـر آهـون ایلـدی قلبمـی یـاره |
کربلا زمزمه سی - عینی‌فرد زنجانی
حضرت امام علی علیه السلام می‌فرمایند: هر کس از عهدۀ سیاست بر نیاید لایق ریاست نیست.
