| قارداش‌نیزه‌لرآلتندا حق‌اُستونده چخیب‌جانون |
| اِحیــا ایلـدی قرآنــی مقتلـده توکولــن قانــون |
| هنـوز آخورقانون سوسوز بوغازوندان |
| دیور مواظب اول بشـــر نمــــازوندان |
| یاتمــا قانلــی بیابانــدا باشسیـز پیکریلـن قارداش |
| پاره پاره اولـوب جسمـون تیـر و خنجریلـن قارداش |
| سینمام دشمنی سندیرّام قاره معجریلن قارداش |
| باشون آردیجا من گلّم قارداش دشت و بیابانون |
| بلــه اولـــور روشــن بـو انقلابونـدن |
| حفاظت ایتسین زن گرک حجابندن |
| سن تک جان ویرن عالمده نه اولدی نه اولار قارداش |
| هیچ‌گُل‌سن‌کیمی‌گلشنده نه‌صولدی نه‌صولارقارداش |
| سن تک ریشـۀ کفّــاری نه یولــدی نه یـولار قـارداش |
| چخمـاز یاددان آنـام جانی بو غوغا و بو طوفانون |
| وجودون عشق اولدی شرفلی انسـانه |
| حسیـن آدون ایلـــوب بو خلقی دیوانه |
| عاشق یازمارام ای زهرا اوغلی من سنی عالمده |
| عشق عاشقدی سنه‌قارداش الله‌خلق ایلین‌دمده |
| سن گوشـوارۀ عـرش اولـدون عـرش ربّ معظّمده |
| الله ایلیه جک رسـوا تحقیــر ایلسه کیـم قانون |
| بو قاره پرچملــر همیشه‌لق قالدی |
| یزیدیان سیندی حسینیـان قالدی |
| قاتل‌کسدی سوسوزباشون دریااولدی سرافکنده |
| قانــون آخــدی بیابانـدا صحــرا اولــدی سرافکنده |
| عریان‌یرده قالوب جسمـون دنیا اولدی سرافکنده |
| دین باشین اوجالاندیردون زیبا دوشدی بوپیمانون |
| بو کربلا دشتی اولوبدی دانشگاه |
| ئورکلره سالدی محبتــــــون الله |
| آدم خلــق اولونــان گونلــر دنیــاده سنـه آغلاردی |
| وجدانـی اولان انسانــلار اِخفــاده سنــه آغلاردی |
| موسی‌ده سنه آغلاردی‌عیسی ده‌سنه آغلاردی |
| ساخـلار زنــده بو عالمــده آدون خالق سبحانون |
| آدون قویان شیعه سنه حسین آغلار |
| سرشگینی دائم عــذارینه باغـــلار |
کربلا زمزمه سی - عینی‌فرد زنجانی
